Bul shara Qazaqstannyń abyroıyn asqaqtatty - mınıstr
ASTANA. 31 qańtar. QazAqparat /Jasulan Amanbaıuly/ - Qysqy Azııa oıyndaryn ótkizý kez kelgen memlekettiń qolynan kele bermeıtin óte aýqymdy shara. Búgin Astanada ótken baspasóz máslıhatynda QR Týrızm jáne sport mınıstri Temirhan Dosmuhambetov osylaı aıtty.
«Búgingi tańda birinshilikti ótkizý mártebesine Azııa qurlyǵyndaǵy 4 memleket qana ıe boldy. Olar ekonomıkasy damyǵan Japonııa, Koreıa, Qytaı memleketteri. Biz Qysqy Azııa oıyndaryn ótkizip jatqan 4 elmiz»,-deıdi mınıstr.
«Biz - sportshylar qaýymy Elbasy Nursultan Nazarbaevqa úlken rızashylyq bildiremiz. Sebebi ol óziniń erikti sheshimimen oıyndardyń Qazaqstanda ótýine jaǵdaı jasady. Prezıdent kútkendeı bul shara Qazaqstannyń abyroıyn asqaqtatty»,-dedi ol.
7-Qysqy Azııa oıyndaryn tamashalaý úshin Astanaǵa Azııa Olımpıadalyq keńesiniń basshysy sheıh Ahmad Al-Fahad al-Sabah myrza jáne Halyqaralyq olımpıadalyq komıtettiń prezıdenti Jak Rogge qatysty.
Mınıstrdiń aıtýynsha, mártebeli memandar Qazaqstannyń daıyndyǵyna jáne sporttyq keshenderge joǵary baǵa berip otyr. Soǵan baılanysty mınıstr, Premer-Mınıstrdiń basshylyq etken uıymdastyrý komıtetine, Almaty men Astana qalalarynyń basshylyǵyna úlken alǵys bildirdi.
«Al eń basty jetistik Azııa oıyndarynda Alaý estafetasy alǵash ret ótkizildi. Ál-Kýáıtte jaǵylǵan ot búkil Qazaqstandy sharlap, úlken mereıtoı syılady»,-dedi mınıstr.
