Bul saılaýdyń barsha qazaqstandyqtar úshin orny bólek - J.Balyqov, BQO
ORAL. 31 naýryz. QazAqparat /Eljan Eraly/ - Bul saılaýdyń barsha qazaqstandyqtar úshin orny bólek. Onyń mańyzy da zor.
Biz elimizdiń bolashaǵy úshin durys tańdaý jasaýymyz kerek. Bul týraly Tasqala aýdandyq aýmaqtyq saılaý komıssııasynyń tóraǵasy Járdemǵalı Balyqov málim etti.
Onyń aıtýynsha, aýdandaǵy 29 saılaý ýchaskesi saılaýdy ótkizýge daıyn. Saılaý ótkizetin oryndar kerek-jaraqtarmen tolyqtaı qamtamasyz etilgen. Baılanys telefondary ornatyldy. Qazir aýa raıynyń qolaısyzdyǵyna qaramastan, joldar tazalanyp, bola keldi. Qystaqtarǵa da jol arshylýda. Barlyq okrýgtermen baılanys jaqsy. Qystaqtarǵa aparylatyn jáshikter de ázir tur.
«Saılaý kúni aýdan boıynsha 12040 adam daýys bere alady. Barlyq turǵyndar saılaý barysynan habardar. Sondyqtan olar óz quqyǵyn paıdalanyp, saılaýǵa qatysady dep senemiz», - dedi J.Balyqov.
