Bul saılaýda da «Nur Otan» halyqtyń joǵary senimine ıe bolady - N. Nazarbaev
ASTANA. QazAqparat - Búgin Astanada ótip jatqan «Nur Otan» saıası partııasynyń kezekten tys XVII sezinde sóz sóılegen partııa Tóraǵasy, Elbasy Nursultan Nazarbaev partııanyń aldaǵy saılaýda halyqtyń joǵary mandatyna ıe bolatynyna senim bildirdi.
«Barshamyzdyń múddemiz ortaq, bul - turaqty, birtutas Qazaqstan. Memleketimizdiń Máńgilik El atty armanyn oryndaýǵa tıispiz. Birlik arqyly turaqtylyq ta, turaqtylyq arqyly jasampazdyqqa da jol ashylady. Bul bizdiń aınymas qaǵıdamyz. «Nur Otan» bergen ýádesin árqashan oryndap keledi, qazir de oryndaıtynyna sendiremiz. Sol sebepti halyq qashan da «Nur Otan» partııasyna senedi, qazir de senip otyr. Men partııamyzdyń bul saılaýda da halyqtyń joǵary senimine ıe bolatynyna senimdimin. Biz «Qazaqstan-2050» strategııasyna jańa el bolyp, birge jetýimiz kerek. Men Máńgilik Elge aınalatynymyzǵa senemin», - dedi N. Nazarbaev.
