Bul saılaý saıası partııalar júıesiniń qalyptasýyna yqpal etedi – sarapshy

NUR-SULTAN. QazAqparat – Partııalar úgit-nasıhat jumystaryn júrgizýde áleýmettik jelilerdi qoldana bastaǵan. Bul da óte úlken jetistik. Bul týraly Sailau Talks-2021 sharasynda saıasattanýshy, Prezıdenttik jastar kadrlyq rezerviniń ókili Aleksandr Danılov aıtty, dep habarlaıdy QazAqparat tilshisi.

«Bıylǵy saılaýdyń ereksheligi – barlyq partııaǵa uıymdastyrýshylyq qurylymyn ózgertip, aımaqtardaǵy jumysyn jandandyra túsýge zor múmkindik berildi. Jaqynda aýyldyq okrýgterde de saılaý ótedi jáne biz jańa tulǵalarmen tanys bolamyz. Keı partııa rebrendıng jasap, múlde basqasha sıpatqa ıe bolǵanyn kórip otyrmyz. Olar úgit-nasıhat jumystaryn júrgizýde áleýmettik jelini belsendi qoldana bastaǵan. Bul da óte úlken jetistik», - deıdi saıasattanýshy Aleksandr Danılov.

Sondaı-aq, ol qazirig ýaqytta kontseptsııa men strategııa kúresi bolyp jatqanyn aıtty.

«Biz Úkimet otstavkaǵa ketetinin túsinýimiz kerek. Bul týraly Memleket basshysy aıtty. Onyń aıtýynsha, jańa Úkimet Parlamenttegi barlyq fraktsııamen keńeskennen keıin qurylady. Bul memleket basshylary osyndaı qadamǵa barýǵa daıyn ekenin kórsetedi. Bul usaq-túıek bolyp kóringenmen, óte mańyzdy másele. Bul saılaý elimizde áreket etetin saıası partııalar júıesiniń qalyptasýyna yqpal etedi dep oılaımyn», - deıdi ol.

Eske sala ketsek, buǵan deıin Sailau Talks-2021 sarapshylary ótip jatqan saılaýdyń mańyzdylyǵy talqylaıtynyn jazǵan bolatynyz.

Іs-sharany Qazaqstan saıası ǵylymdar qaýymdastyǵy «QazAqparat» Halyqaralyq aqparat agenttiginiń qoldaýymen uıymdastyryp otyr.