Bul saılaý naýqany - sońǵy úsh jylda júzege asqan saıası reformalardyń negizdi jalǵasy - depýtat
«Sebebi, 2019-2022 jyldary Prezıdenttiń saıası bastamalarynyń mazmundy jáne aýqymdy paketi zańnamalyq deńgeıde júzege asyryldy. Prezıdent 1 merzimge ǵana saılanady. Bul – bılik monopolııasyn boldyrmaıdy. «Ádiletti Qazaqstan» qurý jolynda halyqtyń ál-aýqatyn arttyrýǵa baǵyttalǵan áleýmettik transformatsııany tolyqqandy ári nátıjeli júzege asyrý úshin Prezıdentke jańa senim mandaty qajet», - dep ótti depýtat.
Onyń paıymynsha, jahandyq saıasattyń kúrdeli kezeńinde Prezıdentti demokratııalyq jolmen saılaý halyqty memleketshildik múddege yntymaqtastyrýǵa jáne biriktirýge baǵyttalǵan. Saılaý elimizde júzege asyrylǵan Konstıtýtsııalyq reformalardyń qorytyndylaryn bekitedi jáne áleýmettik-ekonomıkalyq saladaǵy reformalardy jalǵastyryp, nátıjelerin aıqyndaıdy.
«Budan ózge, Qazaqstannyń jańa tarıhynda alǵash ret saılaýdyń ótetin merzimi saıası sarapshylarmen aldyn ala boljandy. Prezıdenttiń kezekten tys saılaýy týraly Memleket basshysy 1 qyrkúıektegi Joldaýynda málimdedi. Al Jarlyqqa bir aıǵa jýyq ýaqyt ótkende qol qoıyldy. Barlyq saıası kúshterdiń saılaýǵa daıyndalýǵa, qoǵamdyq talqylaý ótkizýge jáne aldyn-ala strategııalaryn aıqyndaýǵa ýaqyt jetkilikti boldy dep oılaımyn. Al buǵan deıingi saıası dástúr boıynsha kezekten tys saılaýdyń ýaqytyn jarııalaý men Jarlyqqa qol qoıý bir kúnde bolatyn. Sonymen qatar, Prezıdent aldaǵy Parlament saılaýynyń ýaqytyn kem degende alty aı buryn aıtyp otyr. Barlyq saıası kúshterdiń aldaǵy Parlament jáne máslıhat saılaýlaryna daıyndalýǵa jetkilikti ýaqyty bar», - dedi Juldyz Súleımenova.
Depýttattyń pikirine qaraǵanda, qazirgi halyqaralyq jáne óńirlik qaqtyǵystardy eskere otyryp, ásirese postkeńestik keńistikte oryn alyp jatqan jaǵdaılarda memlekettiligimizdi nyǵaıtý erekshe ózekti. Demokratııalyq jolmen ornyqqan saıası júıe ınstıtýttaryn transformatsııalaý – Qazaqstannyń áleýmettik-ekonomıkalyq áleýetin arttyrýǵa múmkindik. Prezıdent saılaýy – halyq birligin nyǵaıtýǵa, azamattyq qoǵamdy jáne bılikti úılesimdi áreket etýine yqpaldastyrady.
«Demokratııalyq jáne ornyqty jańa saıası memlekettik basqarý ınstıtýttaryn qalyptastyrý – elimizdiń turaqtylyǵyn jáne tutastyǵyn, onyń syrtqy jáne ishki syn-qaterlerge moıymaı, tótep berýin arttyrady», - dedi spıker.
