Bul saılaý meniń ómirimde erekshe este qalmaq - V.Semenıak, jas saılaýshy
ORAL. QazAqparat - Bul saılaý meniń ómirimde erekshe este qalmaq. Bul týraly Zelenov aýdany ortalyǵy Peremetnyı kentindegi №155 saılaý ýchaskesinde alǵash ret daýys bergen jas saılaýshy, Oral gýmanıtarlyq kolledjiniń stýdenti Valentına Semenıak málim etti.
Onyń aıtýynsha, eresek turǵyndarmen qatar jastar elimizdiń qoǵamdyq-saıası ómirine belsene aralasýy kerek. Bul joly jastardyń da Májilis pen jergilikti máslıhattardyń quramyna saılanýyna tolyq múmkindik jasalyp otyr.
«Bári de jastardyń ózderinen baılanysty. Elimizde, qoǵamda bolyp jatqan ózgeristerge beı-jaı qaramaı, óz kózqarastaryn bildirip otyrǵany jón. Sonyń bir kórinisi - osy saılaý. Biz qalaǵan partııalar men kandıdattardy saılaý arqyly elimizdiń bolashaq damýyna úlesimizdi qosamyz. Osy saılaýdan keıin Parlament pen máslıhattarda jastardyń úles sany arta túsedi dep oılaımyn», dedi V.Semenıak.
Aıta keteıik, on segiz jasar saılaýshyǵa №155 saılaý komıssııasynyń tóraǵasy Esbol Abdolov alǵysyn bildirip, eskertkish syılyqty tabys etti.
