Bul saılaý - memlekettiń demokratııalyq damý jolynda jasalǵan kelesi bir úlken qadam bolmaq - Qanat Saýdabaev
ASTANA. 15 qańtar. QazAqparat /Jasulan Joldybaev/ - Bul saılaý - memlekettiń demokratııalyq damý jolynda jasalǵan kelesi bir úlken qadam bolmaq.
Bul týraly búgin tańerteń Astanada №3 saılaý ýchaskesinde Parlament Májilisiniń depýtattyǵyna kandıdattar men máslıhat depýtattary saılaýyna daýys berý kezinde QR Memlekettik hatshysy Qanat Saýdabaev aıtty.
«Bul saılaý eldiń qoǵamdyq-saıası ómirinide mańyzdy ról atqarady. Óıtkeni olar Qazaqstannyń 20 jyldyǵy tusynda ótkizilýde. Menińshe, bul saılaý - memlekettiń demokratııalyq damý jolynda jasalǵan kelesi bir úlken qadam bolmaq», - deıdi Q. Saýdabaev.
Memlekettik hatshynyń atap kórsetkenindeı, búgingi Parlament saılaýynan soń, shamamen aldaǵy 5 jyl elektoraldy emes kezeń ornap, elimizdiń údemeli túrde ilgeri qaryshtaýyna múmkindik týady.
«Biz úshin mundaı qoldaý óte qajet. Sebebi álemde ekonomıkalyq jáne áleýmettik salalardaǵy problemalarǵa baılanysty túrli qıyn oqıǵalar oryn alýda», - dep túıindedi sózin Q. Saýdabaev.
