Bul sapar ekijaqty seriktestigimiz úshin mańyzdy jylmen tuspa-tus kelip otyr - Makron
Emmanıýel Makron Qazaqstan men Frantsııa arasyndaǵy baılanystarǵa joǵary baǵa berdi, dep habarlaıdy Kazinform Aqordaǵa silteme jasap.
– Prezıdent myrza, resmı saparmen kelýge shaqyrǵanyńyz úshin alǵys aıtamyn. Astanaǵa kelip, Sizben júzdesip otyrǵanyma qýanyshtymyn. Osy sapardy uıymdastyrǵanyńyzǵa rızashylyǵymdy bildiremin. Bul sapar bizdiń ekijaqty seriktestigimiz úshin mańyzdy jylmen tuspa-tus kelip otyr. Búgin biz ózekti halyqaralyq máseleler boıynsha pikir almasyp, BUU Jarǵysyn, sonyń ishinde aýmaqtyq tutastyq, ulttyq táýelsizdik qaǵıdattaryn saqtaýǵa beıildi ekenimizdi taǵy da naqtylaı alamyz. Sonymen qatar ekijaqty yntymaqtastyq máselelerin talqylaımyz. Biz ekonomıkalyq turǵydan seriktes eldermiz. Sondaı-aq Qazaqstan men Frantsııa arasyndaǵy ekonomıkalyq-strategııalyq áriptestigimizdi odan ári damyta túsetin mańyzdy kelisimderge qol qoıamyz. Sizben júzdesip, ortaq kún tártibin talqylaý múmkindigi týǵany úshin qýanyshtymyn, – dedi Frantsııa Prezıdenti.
Memleketter basshylary qazaq-frantsýz strategııalyq seriktestiginiń qazirgi jaı-kúıi men damý perspektıvalaryn talqylady.
Saıası dıalogty nyǵaıtýǵa, saýda-ekonomıkalyq, ınvestıtsııalyq, energetıkalyq, kólik-logıstıkalyq jáne mádenı-gýmanıtarlyq salalardaǵy yntymaqtastyqty keńeıtýge erekshe nazar aýdaryldy.
Qasym-Jomart Toqaev pen Emmanıýel Makron halyqaralyq jáne óńirlik kún tártibindegi ózekti máseleler jóninde pikir almasty.
Aıta ketsek, Frantsııa Prezıdenti Emmanıýel Makron resmı saparmen Qazaqstanǵa keldi.
Qasym-Jomart Toqaev Aqordada Frantsııa Prezıdenti Emmanıýel Makrondy qarsy aldy.
Qazaqstan men Frantsııa prezıdentteri shaǵyn quramda kelissóz júrgizdi.
Memleket basshylarynyń kezdesýinen keıingi qos eldiń qarym-qatynasy qaı baǵytta damýy múmkin?
