Bul oqý jylyn eldegi neshe mektep syrttaǵy dárethanamen qarsy alady?
ASTANA. KAZINFORM – Oqý-aǵartý mınıstri Ǵanı Beısembaevqa Astanadaǵy aýyl mektepteri pedagogteriniń respýblıkalyq forýmynan keıin mektep dárethanalaryn birizdendirý máselesi týraly pikir bildirdi.
«Bul oqý jylyn eldegi neshe mektep syrttaǵy dárethanamen qarsy alady? Osy oqý jylynyń aıaǵyna deıin ol mektepterdiń bári jyly dárethanamen qamtı alasyzdar ma?», - dep surady BAQ ókili mınıstrden.
Ǵanı Beısembaev bul másele ásirese Túrkistan oblysynda ózekti ekenin aıtty.
«Statıstıkaǵa súıensek, osydan úsh jyl buryn eldegi 3 myńǵa jýyq mekteptiń dárthanasy syrtta ornalasqan edi. Búgin solardyń sany 10-ǵa deıin azaıdy. Olar negizinen Túrkistan oblysynda shoǵyrlanǵan. Munyń negizgi sebepteriniń biri – eshqandaı kommýnıkatsııalyq ınfraqurylym joq. Ne kárizi, ne sýy joq shaǵyn jınaqty mektepter bolyp esepteledi. Jergilikti organdar olardyń máselesin sý saqtaıtyn úlken kólemdi ydystar ornatyp, «septık» tartý arqyly sheshý máselesin zerttep jatyr», - dedi ol.
Sondaı-aq, mınıstr ǵımarat ishine jyly dárethana ornatsa da, syrttaǵy dárethanany saqtap otyrǵan mektepter bar ekenin aıtady.
«Budan bólek ishte jyly dárethanasy bolsa da, syrttaǵy dárethanany jappaǵan mektepter bar. ıAǵnı, konservatsııa jasap, toqtatyp qoıǵan mektepter bar ekenin bilip otyrmyz. Ákimdikter ol dárethanalar qandaı da bir jaǵdaılar úshin rezervte turý kerek degen ýájben, tolyqqandy joımaýdy surap otyr. Deı turǵanmen bizdiń tekserister apattyq jaǵdaı bolǵannyń ózinde jyly dárethanalardyń jabylýyna jol bermeýge jumys isteıdi. Ol dárethanalardyń oqýshy sanyna sáıkes bolýyn da qatań qadaǵalaımyz.
Árıne, bul qarjylyq shyǵyndarǵa táýeldi bolǵandyqtan keıbir jumystar keıbir óńirlerde baıaý júrýi múmkin. Bul máseleni 100 paıyz oryndaý úshin Oqý-aǵartý mınıstrligi únemi nazarda ustap keledi», - dedi Ǵanı Beısembaev.
