Bul men úshin tarıhı sát - Ózbekstanda birinshi bolyp daýys bergen qazaqstandyq
TAShKENT. KAZINFORM – Ózbekstan astanasyndaǵy Qazaqstan elshiliginde ornalasqan referendým ýchaskesi jergilikti ýaqyt boıynsha saǵat 07:00-de óz jumysyn bastady, dep habarlaıdy Kazinform agenttiginiń Tashkenttegi menshikti tilshisi.
Tashkentte shet memleketterdegi eń iri ýchaskelerdiń biri ornalasqan. Búginde munda Ózbekstanda turaqty turatyn jáne ýaqytsha júrgen 755 Qazaqstan azamaty daýys bermek.
Eń alǵash bolyp №431 ýchaskede Jorabaı Kýchkarov óz tańdaýyn jasady. Ol konstıtýtsııalyq reforma el úshin mańyzdy ári jaýapty sát ekenin atap ótti.
— Memleket halyqty qate jolǵa bastamaıdy. Elimizdiń keleshegi úshin tańdaý jasadym. Men úshin bul tarıhı sát. Sondyqtan alǵashqylardyń biri bolyp ózimniń azamattyq ustanymymdy bildirdim, - dedi J.Kýchkarov.
Birinshi bolyp daýys bergen otandasymyzǵa ýchaskelik refrendým komıssııasynyń músheleri estelik syılyq tabystady.
Aıta ketsek, Tashkentte múmkindigi shekteýli azamattardyń úıde tańdaý jasaýy úshin daýys berý jáshikterin jetkizetin toptar jasaqtalǵan.
Eske salaıyq, Tashkent qalasyndaǵy №431 referendým ýchaskesi Qazaqstan Respýblıkasynyń elshilgi ǵımaratynda (Abaı kóshesi, 1) ornalasqan. Onda daýys berý jergilikti ýaqyt boıynsha 20:00-ge deıin jalǵasady.