Bul máseleni jaqsy bilemiz – Dáýren Abaev «Irına Qaıratovna» toby týraly

NUR-SULTAN. QazAqparat – QR Mádenıet jáne sport mınıstri Dáýren Abaev ártisterdiń sahnadaǵy óreskel is-qımyldary týraly pikir bildirdi, dep habarlaıdy QazAqparat tilshisi.

«Irına Qaıratovna» tobynyń oqıǵasyna qatysty, ártisterdiń sahnaǵa mas bolyp shyqqany úshin jaýapkershilik engizesizder me?», - dep suraq qoıdy tilshiler Úkimet otyrysynan keıingi suhbatta.

«Shyn máninde elimizde myńdaǵan kontsertter ótedi, osyndaı oqıǵalar da bolyp jatady. Biraq myńdaǵan ártisterdiń bári sahnada óreskel qylyq kórsetip júrgen joq. Bul máseleni jaqsy bilemiz jáne qarastyryp jatyrmyz. Jaqyn arada osy baǵytta ne isteıtinimiz týraly naqty nátıjeler beremiz dep oılaımyn. Másele áli talqylanyp jatyr. Kim kimge shaǵym túsirýi kerek, polıtsııaǵa kim habarlaýy kerek, jaýapkershilik kimde, áli eshteńe belgisiz», - dep jaýap berdi D. Abaev.

Sonymen birge mınıstrge reseılik tıktokshylardyń kóptep kelip jatqany, olardyń da masań kúıde júretini, kóp tártipsizdikke baratyny jáne qalaı qadaǵalatyny týraly suraq qoıyldy.

«Zań bárine ortaq. Tıktokshy bola ma, bastyq nemese qatardaǵy adam bolsa da, zań men normalar anyq jazylǵan. Shartty túrde aıtsaq, reseılik tıktokshylar tártip buzsa, elimizdiń zańy boıynsha jaýapqa tartylady. Al ózin tártipti ustasa – qandaı másele kórip tursyzdar?», - dedi D. Abaev.