Bul qıyndyqty da tez arada eńseretinimizge eshqandaı kúmán joq - Toqaev
NUR-SULTAN. QazAqparat – QR Prezıdenti Qasym-Jomart Toqaev eldegi jaǵdaıǵa baılanysty Qazaqstan halqyna joldaǵan úndeýinde quqyqtyq buzaqylyq aktilerdiń jolyn qatań túrde kesiletinin aıtty, dep habarlaıdy QazAqparat tilshisi.
«Sholaq belsendilerdiń kesirinen ınternet buǵattalady. Nátıjesinde mıllıondaǵan azamat pen otandyq bıznes zardap shegedi.
ıAǵnı, ishki ekonomıkalyq, áleýmettik jáne saıası turaqtylyqqa orasan zor zııanyn tıgizedi.
Quqyqtyq tártipti buzýǵa ózderin «erkin» buqaralyq aqparat quraldarymyz dep sanaıtyndar men bizdiń kópultty halqymyzdyń negizgi múddelerinen alshaq «syrttaǵy qaıratkerler» yqpal etip, shyn máninde arandatýshylyq ról atqarady.» - degen Memleket basshysy eldegi qıyn kezeńdi qazaqstandyqtar jyldam eńseretinine senim bildirdi.
«Jaýapsyz demagogtardyń barlyǵy Qazaqstanda qaıǵyly jaǵdaıdyń týyndaýyna sebepker boldy desek, asyra aıtqanymyz emes. Biz quqyqtyq vandalızmniń kez-kelgen túrine qatań shara qoldanamyz. Bizdiń tarıhymyzdaǵy osy bir qıyndyqty tez arada eńseretinimizge eshqandaı kúmán joq. Eń bastysy, bolashaqta mundaı oqıǵalardyń qaıtalanýyna jol bermeý kerek», - dedi Qasym-Jomart Toqaev.
