Bul entsıklopedııa ákemizdiń 100 jyldyǵynda josparlanǵan bolatyn - Murat Áýezov
ALMATY. 12 jeltoqsan. QazAqparat /Erlik Erjanuly/ - Bul entsıklopedııa 10 jyl buryn shyqqanda kóp derekter enbeı qalǵan bolar edi. Ony ádebıettanýshy Murat Áýezov búgin Almatyda "Muhtar Áýezov" entsıklopedııasynyń tusaýkeserinde aıtty.
"Bul entsıklopedııa ákemizdiń 100 jyldyǵynda josparlanǵan bolatyn. Arada 15 jyl ótti. Bul az ba, kóp pe degen saýal týady. Menińshe der kezinde shyǵyp otyr. Óıtkeni eki arada kóptegen zertteýler jaryq kórdi. Máselen "M. Áýezovtiń ata tegi" degen kitap shyqty. Sondaı-aq Máskeý, Sankt-Peterbýrgtegi muraǵattardan ǵalymdarǵa buryn beımálim bolyp kelgen derekter qolymyzǵa tústi. Olar bul entsıklopedııaǵa engizildi" - deıdi Murat Muhtaruly. Al abaıtanýshy Tólegen Ibragımovtyń aıtýynsha, qazaq rýhynyń tólbasy - Abaı, onan keıingi uly tulǵa - Muhtar Áýezov.
"Muhtar Áýezov entsıklopedııasy" qazirgi entsıklopedııanyń basy. Óıtkeni Muhań týraly qazir sóıleýshiler oıdan shyǵaryp kóp dúnıeler aıtady. Bul jalań sózderdi endi toqtatatyn "Muhtar Áýezov entsıklopedııasy" bolmaq.
