Bul emdeý úrdisi, qurylys jáne menedjmentegi álemdegi eń joǵarǵy saty - Almaty qalasy ákiminiń orynbasary
Y. Qazannyń 12-ci. QazAqparat /Erlik Erjanuly/ - KSRO-nyń 50 jyldyǵynda ashylǵan bul tarıhı shıpahana óz kezeginde sol eldiń eń joǵarǵy jetistigi bolatyn. Bul týraly búgin Almatydaǵy "Almaty" saýyqtyrý SPA kýrortynyń ashylý rásiminde aıtyldy.
"Ózderińizge belgili Іle Alataýy bókterinde ornalasqan demalys orny 40 jyl boıy halyqqa qyzmet kórsetip keledi. TMD memleketterine áıgili keshen mádenıet, ǵylym, saıasatkerler men óner salasy qyzmetkerleriniń densaýlyqtaryn túzeýge yqpal etýde. Elbasy bastaýymen 2,5 jylda kúrdeli jóndeýden ótken keshenniń aýmaǵy búginde 40 myń sharshy metrge ulǵaıdy. Bul jerde emdelý, demalý, saýyqtyrý sharalarymen qatar resmı kezdesýler ótkizýge múmkindik qarastyrylǵan", - deıdi Almaty oblysy ákiminiń orynbasary Ańsar Musahanuly Musahanov.
Almaty qalasy ákiminiń orynbasary Serik Seıdýmanov: "KSRO-nyń 50 jyldyǵynda ashylǵan tarıhı shıpahana óz kezeginde sol eldiń eń joǵarǵy jetistigi edi. Oǵan endi qazir qarasańyzdar bizdiń eldiń qandaı bıikke kóterilgenin kórýge bolady. Ár qadammen elimiz jańa satyǵa kóterilip kele jatyr. Bul shıpahana jańa saty, jańa deńgeı. Bul emdeý úrdisinde de, qurylysta ta, menedjmentte de álemdegi eń joǵarǵy saty", - dedi. Serik Turarulynyń aıtýynsha, kúrdeli jóndeý jumystarynan keıin óz esigin emdelýshilerge qaıta ashqan shıpahananyń alǵashqy kelýshileri ómirin óz Otanynyń gúldenip, kórkeıýine arnaǵan jáne olardyń esimin eli maqtan tutatyn qaıratkerler bolyp otyr. Jańaryp, jasarǵan bul nysanda negizgi 4 jáıtti erekshe atap ótýge bolady. Birinshisi, onyń aýqymy 2 esedeı ulǵaıdy. Ekinshi, medıtsınalyq eń joǵarǵy jetistik bolatyn ozyq qural-jabdyqtarmen jabdyqtaldy. Úshinshi, ornalasqan jeri men ondaǵy emdik sýdyń múmkindikteri. Tórtinshi, ony adamdardyń ıgiligine usynýdy uıymdastyrý menedjmentiniń ereksheligi.
