Býldozer mashınısi 10,3 keli saf altyn taýyp aldy
ASTANA. QazAqparat - RF Habarovsk ólkesiniń Nıkolaevskıı aýdanynan 10,3 keli saf altyn tabyldy, dep habarlady óńirdiń tabıǵat resýrstary mınıstrligi.
«10,3 keli salmaqtaǵy altyndy «Zarıa» altyn izdeýshiler artelinde taý jynystary úıindilerin tegistep jatqan býldozer mashınısi taýyp aldy», - delingen mınıstrlik habarlamasynda.
Sondaı-aq, habarlamada altynnyń Habarovsk óńiri aýmaǵynan osy ýaqytqa deıin tabylǵan altyndardyń ishindegi eń irisi ekendigi aıtylǵan. Buǵan deıin «Vostok» altyn izdeýshiler artelinen tabylǵan 7,5 keli altyn eń iri dep eseptelgen edi.
