Bul bastama qoǵamda óte qyzý talqylanyp jatyr jáne jan-jaqty qoldaý tabýda - Erlan Qarın
ASTANA. QazAqparat - Bul bastama qoǵamda óte qyzý talqylanyp jatyr jáne jan-jaqty qoldaý tabýda, deıdi Májilisi depýtattarynyń Parlament Májilisi men barlyq deńgeıdegi máslıhattar depýtattarynyń merziminen buryn saılaýyn ótkizý týraly bastama kótergen úndeýi jaıynda Qazaqstan Prezıdenti janyndaǵy Strategııalyq zertteýler ınstıtýtynyń dırektory Erlan Qarın.
«QR Parlamenti Májilisi depýtattarynyń Parlament Májilisi men barlyq deńgeıdegi máslıhattar depýtattarynyń merziminen buryn saılaýyn ótkizý týraly bastama kótergen úndeýi jan-jaqty tarazylanǵan sheshim dep aıta alamyn. Bul, sarapshylardyń pikirlerinshe, kezdeısoq qabyldanǵan sheshim emes. Osy másele tóńiregindegi pikir almasýlar sarapshylar arasynda, baıqaýshylar arasynda sońǵy eki-úsh aıdyń kóleminde belsendi túrde talqylandy. Álemdegi ekonomıkalyq kúrdeli daǵdarys, onyń el ekonomıkasyna yqpaly turǵysynan kelgende, bul, shyn máninde, tipti de kezdeısoqtyq emes. Birinshiden, bul - zańdy qalyptasqan jaǵdaı. Ekinshiden, der kezinde kóterilip otyrǵan mańyzdy oqıǵa dep aıtý kerek. Sondyqtan bul bastama qoǵamda óte qyzý talqylanyp jatyr jáne jan-jaqty qoldaý tabýda», deıdi Qazaqstan Prezıdenti janyndaǵy Strategııalyq zertteýler ınstıtýtynyń dırektory.
Onyń aıtýynsha jańa saılaý elimizdegi qoǵamdyq-saıası úderisterge jańasha bir serpin beredi.
«Tek saıası-partııalyq úderisterge ǵana emes, sonymen qatar, qoǵamdyq-saıası talqylaýlarǵa da jańasha serpin beredi. Sondaı-aq, jańa ıdeıalardyń, jańa oılardyń kóterilýine jol ashady. Saılaý qoǵamnyń ishindegi qordalanǵan ózekti máselelerdi saraptaýǵa, taldaýǵa múmkindik týǵyzady. Osynyń barlyǵy Memleket basshysy N.Nazarbaevtyń basshylyǵymen elimizdiń álemdik daǵdarysqa qarsy jańa saıasatty is júzine asyrýyna múmkindik beredi. Sondyqtan da biz, sarapshylar saılaý naýqany saıası-qoǵamdyq ómirdiń jańa bir serpilis, jańadan bir jandanýyna múmkindik beretin qazaqstandyq armandy faktor retinde qarastyramyz», deıdi E.Qarın.
Sarapshynyń pikirinshe, bastamanyń «100 naqty qadam» - ult josparyn oryndaýdyń praktıkalyq kezeńinde ony iske asyrýda jańa quramdaǵy Májilistiń yqpaly zor bolmaq.
«Elimiz jańa kezeńge, 5 ınstıtýttyq reformany júzege asyrý boıynsha «100 naqty qadam» - Ult Josparyn oryndaýdyń praktıkalyq kezeńine aıaq basty. Osyndaı kezde qazaqstandyq armandy iske asyrý jolynda jańa quramdaǵy Májilistiń de yqpaly joǵary bolatyny anyq. Endeshe, Parlament Májilisi depýtattarynyń bastamasynyń qoǵamdaǵy orny bólek», dep atap ótti Erlan Qarın.
