Bul baǵyt - memleketti basqarýdyń tıimdiligin kúsheıtetin birden-bir júıe - Sáýlet Sahıev

QYZYLORDA. QazAqparat - Elbasy arnaıy Úndeýimen barsha qazaqstandyqtarǵa asa mańyzdy, taǵdyrly máseleni usyndy. Bul bılik tarmaqtary arasynda ókilettikterdi qaıta bólý mindetimen baılanysty. Kún saıyn damyp, jańaryp kele jatqan álemde ómirsheń, óziniń ereksheligimen jumys atqaratyn saıası júıe qurý ýaqyt talaby ekeni belgili, - deıdi aqparattyq-taldaý ortalyǵynyń dırektory, tarıh ǵylymdarynyń  kandıdaty Sáýlet Sahıev.

«Osy turǵyda Memleket basshysy konstıtýtsııa men zańdarǵa ózgerister engizý arqyly qazirgi prezıdenttiń ókilettiligin bólý máselesin alǵa tartty. Atalǵan júıeniń jumys isteý ustanymyn zerdeleýde Elbasynyń uıǵarymymen arnaıy qurylǵan jumys toby jasaqtalyp, óz esebin berdi. Baıandalǵan reforma eki negizgi baǵyttan turady. Onyń alǵashqysy, prezıdent ókilettiliginiń áleýmettik - ekonomıkalyq úderisterdi retteýdegi máselelerdi Úkimet pen basqa da atqarýshy organdarǵa júkteýde bolsa, al ekinshisinde Parlamenttiń rólin kúsheıtip, mınıstrler kabınetiniń ókiletti bılik aldyndaǵy jaýapkershiligin arttyrady. Sonymen qatar ekinshi baǵyt boıynsha parlament saılaýynda jeńgen partııa Úkimet quramyn anyqtaýǵa túbegeıli yqpal etetin bolady. Bul protsess arqyly bıliktiń zań shyǵarýshy tarmaǵynyń atqarýshy bılikke baqylaýy kúsheıtiledi.

Atalǵan reforma qoǵamdyq talqylaýǵa salynady jáne arnaıy qurylǵan jumysshy toby kelip túsken usynystar arqyly negizgi qorytyndy jasaıdy. Elbasy óz sózinde bul eki baǵyt boıynsha jasalatyn jumystardyń jaýapkershiligi kóp ekenin aıtyp, jańa saıası júıeniń kúrdeli ekenine toqtaldy. Bul baǵyt memleketti basqarýdyń tıimdiligin kúsheıtetin birden-bir júıe ekeni daýsyz», - dep oıyn qorytyndylady  Sahıev.