Bul aýǵan soǵysyna qatysqan aǵa-baýyrlarymyzǵa kórsetilgen taǵzym bolyp tabylady - B.Mánizorov
ALMATY. Aqpannyń 23-i. QazAqparat /Ádilet Musahaev/ - Búgin Almaty qalasy Alataý aýdany ákimshiliginde Keńester Odaǵy áskeriniń Aýǵan jerinen shyqqanyna 21 jyl tolýyna oraı, soǵysqa qatysqan ardagerlermen kezdesý keshi ótti,
dep habarlaıdy QazAqparat.
Shara barysynda Alataý aýdanynyń ákimi Baǵdat Mánizorov Aýǵan soǵysyna qatysqan ardagerlerge arnaıy quttyqtaý sóz sóılep, olardy marapattady.
Sonymen qatar, Aýǵan soǵysynyń bet-beınesin ashatyn sıýjettik kórinis qoıylyp, aýdandaǵy joǵary jáne orta oqý oryndarynyń stýdentteriń kontserttik baǵdarlamasy kórsetildi.
Aýdan ákimi atalmysh soǵysqa qatysqandardyń sol bir aýyr kezeńde jaýyngerlik antqa adal bolyp, Otan aldyndaǵy boryshyna adaldyq pen erliktiń úlgisin tanytqandyǵy aıdaı aqıqat ekendigin jetkizdi.
«Otanyn súıgen jaýynger-ınternatsıonalısterdi eske alǵan bul kún qýanysh pen ókinishke toly kún dep aıtýǵa bolady. Qýanyshtysy - Keńes áskeriniń aýǵan jerinen shyǵarylýy bolsa, ókinishtisi - kóptegen jaýyngerlerimizdiń sol soǵysta opat bolýy. Bul - ata-ana, qarýlas dostar, týǵan-týysqandary úshin orny tolmas qaıǵy.
Osy oraıda búgingi jıyn biz úshin kezekti shara emes. Bul - óziniń boryshyn ótep, erlik kórsetken aǵa-baýyrlarymyzǵa kórsetilgen taǵzym bolyp tabylady», dedi Baǵdat Saılanbaıuly.
