Bul apta Reseı men Ýkraına úshin mańyzdy bolady — Tramp

ASTANA. KAZINFORM — AQSh prezıdenti Donald Tramp jaqyn arada Reseı-Ýkraına qaqtyǵysy qaıta qurý men saýdaǵa basa nazar aýdarǵysy keletin Amerıkanyń deldaldyǵymen aıaqtalatynyna úmit bildirdi, dep habarlaıdy Kazinform tilshisi. 

— Bul Reseı men Ýkraına úshin tamasha kún shyǵar! Osy bitpeıtin «qandy qyrǵyn» aıaqtalsa, júzdegen myń adamnyń ómiri saqtalyp qalatyny týraly oılanyńyz. Men munyń bolýyn qamtamasyz etý úshin eki jaqpen de jumysty jalǵastyramyn. AQSh qalpyna keltirý men saýdaǵa nazar aýdarǵysy keledi. Alda mańyzdy apta! — dep jazdy Donald Tramp Truth Social-da. 

Tramp qaqtyǵysýshy taraptardyń kezdesýi beısenbi kúni Túrkııada ótýi múmkin ekenin habarlady. 

— Reseı prezıdenti Pýtın Ýkraınamen atysty toqtatý týraly kelisim jasaǵysy kelmeıdi, kerisinshe, qantógisti toqtatý múmkindigi týraly kelissóz úshin beısenbi kúni Túrkııada kezdeskisi keledi. Ýkraına buǵan dereý kelisim berýi kerek, — dep pikir bildirdi AQSh prezıdenti. 

Amerıkalyq kóshbasshy atap ótkendeı, bul kezdesý eýropalyq kóshbasshylar men AQSh-tyń tıisti túrde áreket etýi úshin «mámileniń múmkin bolý-bolmaýyn» jáne «istiń qalaı júrip jatqanyn» kórsete alady.

Bul rette Tramp Ýkraınanyń Reseımen kelissóz júrgizetinine kúmán keltirdi. 

— Ýkraınanyń Pýtınmen mámilege keletinine kúmándana bastadym, — dedi ol, biraq daýlasýshy taraptarǵa: Kezdesýdi dál qazir bastaıyq!!! — dep úndeý tastady.

Buǵan deıin Pýtın Ýkraınaǵa aldyn ala shartsyz kelissózderdi qaıta bastaý jóninde usynys jasady.