Bul Abaı burynǵydan ózgesherek - kórermen pikiri
ALMATY. 23 maýsym. QazAqparat - Keshe Almatydaǵy Muhtar Áýezov atyndaǵy Qazaq memlekettik akademııalyq drama teatrynda «Men ishpegen ý bar ma?..» dep atalatyn rekvıemniń premerasy boldy.
Avtory QR Memlekettik syılyǵynyń ıegeri Iran-Ǵaıyp, qoıýshy rejısseri jáne rejısserdiń assıstenti Qazaqstannyń eńbek sińirgen qaıratkerleri Orazhan Kenebaev pen Bekjan Turys, al qoıýshy-sýretshisi Murat Saparov.
Onda basty keıipkerlerdi Berik Aıtjanov («Abaı»), Orazhan Kenebaev («Qunanbaı»), Saıat Merekeuly («Orazbaı»), Kúnsulý Shaıahmetova («Áıgerim»), Lázzat Qaldybekova («Nurǵanym») sııaqty akterler somdady. Iran-Ǵaıyptyń bul týyndysy áke men bala, urpaq pe urpaq arasyndaǵy kúrdeli qarym-qatynastardy ınterpretatsııalaý arqyly osynaý kókeıkesti másele týraly oı qozǵaıdy. Shyǵarmashylyq top avtordyń dittegen maqsatyna qol jetkize aldy. Ony qoıylym bitken kezde bir-birimen alǵan áserin jarysa bólisip jatqan kórermenderdiń - «Bul Abaı burynǵydan ózgerek boldy», - degen sózinen de aıqyn ańǵarýǵa bolady.
