Buqtyrmaǵa salynatyn kópirdiń uzyndyǵy 1 300 metr bolady
ÓSKEMEN. QazAqparat - Prezıdent Qasym-Jomart Toqaevtyń tapsyrmasymen Shyǵys Qazaqstan oblysy Kúrshim aýdanyndaǵy Qyzyl tý ótkeline salynatyn kópirdiń uzyndyǵy 1300 metr bolady, dep habarlaıdy QazAqparat.
Ótken jyldyń qyrkúıek aıynda Memleket basshysy Buqtyrma sý qoımasynda kópir salýǵa qarjy bólýdi tapsyrǵan edi. Aımaq basshysy Danıal Ahmetov kópir qurylysynyń jobasy daıyn ekendigin jetkizgen bolatyn.
Búgin ShQO Aımaqtyq kommýnıkatsııalar qyzmetinde ótken baspasóz konferentsııasynda oblystyq Jolaýshylar kóligi men avtomobıl joldary basqarmasynyń basshysy Nurjan Jumadilov Qyzyl tý ótkeline kópir salý maqsatynda atqarylyp jatqan jumystardyń jaı-kúıin aıtyp berdi.
«Kópir qurylysyna respýblıkalyq bıýdjetten qarajat bólinýi tıis. Alaıda ony kútpeı oblystyq bıýdjetten 500 mln teńge jumyldyryldy. Bul qarajat tehnıkalardy ázirlik sapyna qoıýǵa, qurylys aýmaǵyn jabdyqtaýǵa jumsalmaq. Smetalyq qujattamaǵa sáıkes joba úsh jylda iske asady» - deıdi ol.
Onyń aıtýynsha, konkýrs 10 aqpanǵa deıin jarııalanady. Eger bári oıdaǵydaı bolyp jatsa qurylys jumystary sáýir aıynda bastalmaq.
«Kópir Quıǵan aýylynyń mańyna qaraı salynady. Onyń uzyndyǵy 1 300 metrdi quraıdy. Júrgizýshiler kópirden esh aqy tólemeı óte alatyn bolady», - deıdi Nurjan Jumadilov.
