Buqtyrmadaǵy kópir qurylysynda 209 adam eki aýysymmen jumys istep jatyr

ÓSKEMEN. QazAqparat – Shyǵys Qazaqstan oblysyndaǵy Buqtyrma sý qoımasyndaǵy kópir qurylysynda 200-den astam adam eki aýysymmen jumys isteýde, dep habarlaıdy QazAqparat tilshisi.

Prezıdent tapsyrmasymen Shyǵys Qazaqstan oblysyndaǵy Kúrshim men Samar aýdandaryn jalǵaıtyn «Qyzyl tý» ótkelinde kópir qurylysy júrgizilip jatyr.

Kópir Buqtyrma sý qoımasynyń eni eń tar ýchaskesindegi Quıǵan aýylynyń tusynan ótetin bolady.

ShQO Jolaýshylar kóligi jáne avtomobıl joldary basqarmasynyń málimetine súıensek, qazirgi ýaqytta sol jerde 200-den astam adam eki aýysymmen jumys isteýde.

«Onyń ishinde 142 turaqty, 67 jaldamaly jumysshy bar. Olarǵa arnap 250 oryndyq jataqhana salynǵan. Kópir qurylysy aıaqtalǵannan keıin eki jaǵalaýdan da kireberis jol salynady», - delingen aqparatta.

Kópirdiń jalpy uzyndyǵy - 1,3 shaqyrym. Bul Qazaqstandaǵy eń uzyn kópir bolady.

Kópir táýligine 20 myńnan astam kólikti ótkizedi dep boljanyp otyr.