Buqtyrmada negizgi kópirdi salýǵa qajet ýaqytsha kópir turǵyzyldy

ÓSKEMEN. QazAqparat – Shyǵys Qazaqstan oblysynda Buqtyrma sý qoımasynda negizgi kópirdi salýǵa qajet ýaqytsha kópir turǵyzyldy, dep habarlaıdy QazAqparat tilshisi.

Prezıdent Qasym-Jomart Toqaevtyń tapsyrmasymen Shyǵys Qazaqstandaǵy Kúrshim men Kókpekti aýdandaryn jalǵaıtyn «Qyzyl tý» ótkeline kópir salynyp jatqandyǵy belgili.

Eki jolaqty avtokólik kópiriniń uzyndyǵy 1,3 shaqyrymnan asady dep josparlanýda. Bul Qazaqstandaǵy eń uzyn kópir bolmaq.

Qazir negizgi kópirdi salýǵa qajetti ýaqytsha kópir turǵyzylǵan. Áleýmettik jelide taraǵan vıdeo avtorynyń aıtýynsha, qurylys jumystary qarqyndy júrip jatyr.

ShQO jolaýshy kóligi jáne avtomobıl joldary basqarmasynyń málimetine súıensek, joba boıynsha kópir qurylysynyń uzaqtyǵy - 39 aı.

Qurylys jumystary 2024 jyly aıaqtalady dep kózdelgen.

Eske salsaq, 2022 jyldyń sońynda Buqtyrma arqyly ótetin kópir qurylysyna qosymsha 20 mlrd teńge qaralatyny habarlanǵan.