Buqtyrmada muzdyń keptelýi saldarynan 3 jer úı sý astyna ketip, 12 adam qaýipsiz jerge kóshirildi - TJM
ASTANA. Qańtardyń 5-i. QazAqparat - Buqtyrma ózeninde muzdyń keptelýi saldarynan 3 jekemenshik úı sý astyna ketip, 12 adam qaýipsiz jerge kóshirildi,
dep habarlady búgin Tótenshe jaǵdaılar mınıstrliginen.
Máselen, qańtardyń 4-i tańǵy saǵat 05.00-de Shyǵys Qazaqstan oblysy, Qatonqaraǵaı aýdany Barlyq aýylynyń (burynǵy Pechı) tusynda Buqtyrma ózeniniń boıyn qursaǵan muzdyń saldarynan, arnasynan asqan sý - úsh turǵyn úı men aýlalyq aýmaqqa salynǵan sharýashylyq nysandardy shaıyp ketti. 12 adam qaýipsiz jerge kóshirildi.
«Basqa úıler men sharýashylyq nysandardy sý basý qaýpi joq», - dep atap ótti mınıstrliktiń baspasóz qyzmetinen.
