Buqtyrmada 200 kelige jýyq balyqty zańsyz aýlaǵan brakonerler ustaldy
Zaısan-Ertis oblysaralyq basseındik balyq sharýashylyǵy ınspektsııasynyń málimetine súıensek, reıd barysynda zańsyz balyq aýlaǵandar ustaldy.
«Inspektsııa qyzmetkerleri, tabıǵat qorǵaý polıtseıleri, «Ohotzooprom» jáne «Tóretoǵam» JShS ókilderi birlesip, Buqtyrma sý qoımasynyń ýchaskelerinde kezekti reıd júrgizdi. Sonyń barysynda «Krynkına» ýchaskesinde «VAZ» avtokóligi toqtatyldy. Kókpekti aýdanynyń turǵyny tizgindegen kólikten 185 keliden astam balyq pen qaıyq motory tabyldy», - delingen aqparatta.
Budan bólek, dál osy ýchaskede taǵy bir brakoner qolǵa tústi.
Odan ondaǵan keli aqtaban, móńke jáne shortan balyǵy tabyldy.
Qazirgi ýaqytta eki er adamǵa qatysty QR Qylmystyq Kodekstiń 335-baby 3-bóligimen (balyq resýrstaryn jáne basqa da sý janýarlaryn nemese ósimdikterin zańsyz aýlaý, alý) qylmystyq is qozǵaldy.
