Buqtyrmada 200 kelige jýyq balyq aýlaǵan brakoner ustaldy

ÓSKEMEN. QazAqparat – Shyǵys Qazaqstan oblysyndaǵy Buqtyrma sý qoımasynda zańsyz balyq aýlaǵan er adam ustaldy, dep habarlaıdy QazAqparat tilshisi.

ShQO «Zaısan-Ertis» oblysaralyq basseındik balyq ınspektsııasynyń málimetine súıensek, 8 aqpanda Buqtyrma sý qoımasynda zańsyz balyq aýlaǵan brakoner ustaldy.

Inspektsııa mamandary er adamnan 100 metr aý men jalpy salmaǵy 178 keli balyqty tárkiledi.

«Osynyń saldarynan memleketke 1 mln teńgege jýyq materıaldyq zalal keltirilgen. Qylmystyq is qozǵaý úshin materıaldar men zattaı dáleldemeler Kókpekti aýdandyq polıtsııa bólimine jiberildi», - delingen aqparatta.

Brakoner QR Qylmystyq Kodeksiniń 335-babyna (balyq resýrstaryn jáne basqa da sý janýarlaryn zańsyz aýlaǵany úshin) sáıkes 3 myń AEK mólsherinde aıyppul tóleýge mindettelýge nemese úsh jylǵa deıingi merzimge bas bostandyǵynan aıyrylýy múmkin.