Buqtyrmada 178 keli balyqty zańsyz aýlaǵan brakoner ustaldy

ÓSKEMEN. QazAqparat – Shyǵys Qazaqstan oblysynda 178 keli balyqty zańsyz aýlaǵan brakoner ustaldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, polıtsııa qyzmetkerleri men oblystyq tabıǵı resýrstar jáne tabıǵat paıdalanýdy retteý basqarmasynyń ınspektorlary birlesip, Buqtyrma sý qoımasynda reıd júrgizdi.

«Sonyń nátıjesinde, zańsyz balyq aýlaǵan Kókpekti aýdany Samar aýylynyń 44 jastaǵy turǵyny ustaldy. Odan 178 keli «Rıpýs» balyǵy, 100 metrlik eki tor, kúrek pen shana tárkilendi. Keltirilgen materıaldyq shyǵyn kólemi 1 mıllıon teńgede asady», - delingen aqparatta.

Polıtsııa bólimine jetkizilgen brakoner óz kinásin moıyndady.

Qazirgi ýaqytta oǵan qatysty QR QK-niń 335 baby 1 bóligine sáıkes sotqa deıingi tergeý amaldary júrgizilýde.