Buqtyrma jaǵalaýynda kásipkerlerge jer berý ýaqytsha toqtatylmaq

ÓSKEMEN. QazAqparat – Shyǵys Qazaqstan oblysyndaǵy Buqtyrma sý qoımasynyń jaǵalaýynda kásipkerler men turǵyndarǵa jer berý ýaqytsha toqtatylady, dep habarlaıdy QazAqparat tilshisi.

ShQO ákimdiginde ótken jınalys barysynda Buqtyrma sý qoımasynyń jaǵalaýyn kórkeıtip, demalýshylar sanyn arttyrý jaıly sóz qozǵaldy. Oblystyq Kásipkerlik jáne ındýstrıaldy-ınnovatsııalyq damý basqarmasynyń basshysy Ernar Mustafın demalys ornyn damytýdyń bas josparyn ázirleýdi usyndy.

«Búginde jaǵalaýǵa bos jatqan jer telimderi bar. Keıbireýler sonda asyǵys-úsigis úıler salyp jatyr. Olardy toqtatyp, demalýshylarǵa qolaıly jaǵdaı jasaý úshin jaǵalaýdy damytýdyń bas josparyn ázirleý kerek. Alakóldiń úlgisi boıynsha ınfraqurylymdy jaqsartý úshin qansha qarajat qajet ekendigin anyqtaý qajet», - dedi ol.

Aımaq basshysy Danıal Ahmetov bul usynysty maquldap, apyl-ǵupyl qurylys jumystaryn boldyrmaý kerektigin aıtty. Óz sózinde ol naqty bas jospar ázirlengenge deıin jańa jer telimderin berýdi jáne onda qurylys jumystaryn júrgizýge ruqsat berýdi toqtata turý qajettigin jetkizdi.