Buqtyrma jaǵalaýynda demalys bazasy órtendi
ÓSKEMEN. QazAqparat – Shyǵys Qazaqstan oblysyndaǵy Buqtyrma sý qoımasy jaǵalaýynda bolǵan órttiń shyǵý sebebine qatysty boljam aıtyldy, dep habarlaıdy QazAqparat tilshisi.
ShQO TJD baspasóz qyzmetiniń málimetine súıensek, tilsiz jaý 18 mamyr kúni saǵat 21.21-de Jańa Buqtyrma aýylyndaǵy «ıAry» demalys bazasynda shyqqan. Oqıǵa ornyna jedel jetken órt sóndirýshiler 350 sharty metr aýmaqtaǵy 4 úı men monshany sharpyǵan qyzyl jalyndy aýyzdyqtaýǵa kiristi. Budan bólek, órt jalpy aýmaǵy 250 sharshy metr shóp pen tal-butaǵa jaıylǵan.
Órt sol kúni 22.27-de tolyqtaı sóndirildi. Zardap shekken eshkim joq.
«Tilsiz jaýdy aýyzdyqtaýǵa jalpy sany 30 adamdy quraıtyn №20 órt sóndirý bóliminiń órt sóndirýshileri, jedel qutqarý jasaǵynyń qutqarýshylary, ormanshylar jáne polıtseıler jumyldyryldy. Aldyn ala boljam boıynsha, órttiń shyǵý sebebi – otty abaısyz paıdalanýdan nemese elektr jabdyqtaryn ornatý jáne paıdalaný kezinde órt qaýipsizdigi erejelerin buzýdan bolýy múmkin», - dep habarlady vedomstvo ókilderi.
