Buqtyrma sý qoımasynda taǵy bir adam sýǵa ketti
ÓSKEMEN. QazAqparat - Zyıarn aýdanyndaǵy Buqtyrma sý qoımasynda 1970 jylǵy er adam sýǵa ketti, dep habarlaıdy QazAqparat tilshisi.
Oqıǵa senbi kúni bolǵan. Keshki saǵat 8.00 kezinde bir demalys bazasynan ekinshisine júzip jetpekshi bolǵan er adam sýǵa batqan. Qutqarýshylar ony qarańǵy túskenshe izdegenimen, eshbir nátıje bolmaǵan.
«Erteńinde saǵat tańǵy 7.00-der kezinde marqumnyń máıiti tabyldy. Jaǵadan 50 metr qashyqtyqta, 4 metr tereńge batyp ketken» - delingen oblystyq tótenshe jaǵdaılar departamentiniń málimetinde.
Buǵan deıin atalmysh demalys ornynda 1968 jylǵy adam rezeńke qaıyqpen sýǵa ketken bolatyn. Ázirge onyń denesi tabylmaı jatyr.
Kúrshim aýdanynda sýǵa ketken inisin qutqaramyn dep ajal qushqan 19 jastaǵy bozbalanyń da denesi tabylar emes. Ázirge tek ımam men onyń 7 jasar ulynyń máıiti sýdan shyǵaryldy.
Jalpy Shyǵys Qazaqstan boıynsha jyl basynan beri 33 adam sýǵa ketken. Onyń jeteýi - bala. Ótken jyly 44 adam sýdan ajal tapsa, onyń tek ekeýi bala bolǵan.
