Buqtyrma sý qoımasynda bir otbasy sýǵa batyp kete jazdady
ShYǴYS QAZAQSTAN OBLYSY. QazAqparat – Jedel-qutqarý jasaǵynyń qyzmetkerleri Buqtyrma sý qoımasynda bir otbasynyń ómirin aman alyp qaldy, dep habarlaıdy QazAqparat oblystyq tótenshe jaǵdaılar departamentiniń baspasóz qyzmetine silteme jasap.
21 shildede úsh adamnan turatyn otbasy úrlenetin motorly qaıyqpen Buqtyrma sý qoımasynda demalys bazasyna qaraı bara jatqan. Bir kezde qaıyq aýdarylyp qalady.
Úsh adam jaǵanyń boıymen júzip, órmelep jartasqa shyqqan. Sonyń arqasynda sýǵa batyp ketpeı, aman qalady. Olar sol jerden uıaly telefonmen qutqarýshylarǵa habarlasady.
Jedel-qutqarý jasaǵynyń Buqtyrmadaǵy bólimshesiniń qyzmetkerleri zardap shekkenderdi taýyp aldy. Ústi-basy sý bolyp, ábden tońǵan olar zattarymen, qaıyqpen birge demalys bazasyna jetkizildi.
«Shaǵyn ǵana qaıyq shamadan tys salmaqqa shydamaı aýdarylǵan bolar. Abyroı bolǵanda, bul oqıǵa sátti aıaqtalǵan. Іshindegi adamdardyń qutqarý jıletteri de bolmady. Oblysta júzý quraldaryna minip jáne balyq aýlap júrgen 9 adam sýǵa batyp ketti», - dep atap ótti qutqarýshylar.
