Buqtyrma sý qoımasyna shomylǵan kelinshek sýǵa batyp ketti
Shyǵys Qazaqstanda demalatyndar úshin súıikti oryn - Buqtyrma sý qoımasy.
Oblystyq TJD málimetinshe, Kókpekti aýdanynda qaýipsizdik sharalaryna sáıkes sý janynda demalýǵa tek demalys bazalarynda ǵana ruqsat etilgen. Alaıda turǵyndar oqshaý jerlerde, «jabaıy» jaǵajaılarda ýaqyt ótkizýdi jón kóredi.
Qutqarýshylar mundaı jerlerde sý túbiniń landshaftyn bilmeý qaýipi bar ekenin atap ótti.
«Keıbir ýchaskede sý túbi kórinbeıdi. Sý aǵyny jaǵany shaıyp, topyraǵyn aǵyzyp áketedi, ıaǵnı bir jyl buryn tizeden aspaıtyn jer qazirgi ýaqytta tereń bolyp shyǵýy múmkin. Demalý úshin osyndaı qaýipti ýchaskeni tańdaý taǵy bir qaıǵyly jaǵdaıǵa sebepshi boldy. Keshe, Novostroıka aýylynda, Buqtyrma sý qoımasynyń jaǵasynda tyıym salynǵan jerde shomylyp, 37 jastaǵy kelinshek sýǵa batyp ketti», delingen habarlamada.
Oblystyq TJD turǵyndarǵa ruqsat etilmegen sý qoımalaryna barmaýǵa keńes beredi.
«Tek jabdyqtalǵan shomylý oryndaryn tańdaý kerek, onda sý aıdynynyń túbi aldyn ala tekserilgen jáne qutqarýshylar beketi bar. Sýda demalýdy tańdaǵanda saq bolyńyz. Balalardy qaraýsyz qaldyrmaý. Tótenshe jaǵdaı týyndaǵan kezde 112 nómirine habarlasý kerek», delingen habarlamada.
