Buqtyrma sý qoımasyna 19 mln-ǵa jýyq shabaq jiberildi
ÓSKEMEN. QazAqparat – Shyǵys Qazaqstan oblysyndaǵy Buqtyrma sý qoımasyna 19 mln-ǵa jýyq shabaq jiberildi, dep habarlaıdy QazAqparat tilshisi.
ShQO Tabıǵı resýrstar jáne tabıǵat paıdalanýdy retteý basqarmasynyń málimetine súıensek, óńirdegi sý aıdyndaryn balyqtandyrý sharalary júrgizilip jatyr.
«Balyq sharýashylyǵyn damytý maqsatynda iske asyrylatyn jumystardyń biri – jyl saıyn sý aıdyndaryn balyqtandyryp otyrý. Balyq sany azaıyp ketken ózen-sýlarǵa ýaqtyly shabaq jiberilip otyrylýy tıis. Ony osy saladaǵy kásiporyndar júrgizip otyrady. Odan bólek, memleket qarajatyna da balyqtandyrý jumystary júrgiziledi», - delingen aqparatta. Óńirdegi bul jumystar 15 sáýirde bastalǵan. Búgingi tańda Buqtyrma sý qoımasyna 19 mln-ǵa jýyq shabaq jiberildi.
Balyq resýrstaryn molyqtyrý jáne saqtaý maqsatyndaǵy bul sharalar mamyr aıynyń sońyna deıin jalǵaspaq.
