08:21, 12 Mamyr 2023 | GMT +5
Buqtyrma sý qoımasy jyl saıyn tartylyp keledi
ÓSKEMEN. QazAqparat – Shyǵys Qazaqstan oblysyndaǵy Buqtyrma sý qoımasy jyl saıyn tartylyp keledi, dep habarlaıdy QazAqparat tilshisi.

Áleýmettik jelide Buqtyrma sý qoımasyndaǵy sý deńgeıiniń qatty tómendep ketkeni jaıly fotosýretter taraǵan edi.
Osy máselege oraı Sý resýrstaryn paıdalaný men qorǵaýdy retteý jónindegi Ertis basseındik ınspektsııasynan jaýap berdi.
«Buqtyrma sý qoımasynda 2020 jyldan bastap sý azaıyp keledi. Jyl saıyn sý deńgeıi shamamen 10 paıyzǵa tómendeýde. Bul tabıǵı qubylys. Ázirge sýdyń azaıýy balyq qyrylýyna ákelip soǵyp jatqan joq. Biraq eger sý deńgeıi osylaı tómendeı berse, onyń saldary bolady», - deıdi ınspektsııa basshysynyń mindetin atqarýshy Ernar Mádıev.
Onyń aıtýynsha, bıylǵy qys qarly boldy. Alaıda soǵan qaramastan sý qoımasynda sý deńgeıi tómendep ketken.



