Buqtyrma qoımasynda eki kólik muz astyna túsip ketti
ÓSKEMEN. QazAqparat – Shyǵys Qazaqstan oblysynyń Kúrshim aýdanynda Buqtyrma sý qoımasynda muz oıylyp, eki kólik sýǵa batty, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń málimetinshe, 14 aqpanda «Isuzu» markaly júk kóliginiń júrgizýshisi «Qyzyl tý» ótkelindegi shekteýge qaramastan Buqtyrmaı sý qoımasynda muz ústimen júrgen. Sonyń saldarynan muz jarylyp, kólik sýǵa batyp ketken. 15 aqpan kúni bolǵan ekinshi oqıǵada «ÝAZ» markaly avtokólik muz astynda qalǵan. Abyroı bolǵanda, eki jaǵdaıda da zardap shekken eshkim joq.
«Kólik ishinde bolǵandar syrtqa shyǵyp úlgerip, qutqarýshylarǵa habarlasqan. Alaıda bizdiń mamandar adam ómirine qaýip tóngen sátte ǵana kómek kórsetedi», - dep habarlady vedomstvo ókilderi.
Esterińizge sala ketsek, osyǵan deıin Kúrshim aýdanyndaǵy Qyzyl tý ótkeline 1 300 metrlik kópir salynatyndyǵyn habarlaǵan bolatynbyz.
