Buqtyrma arqyly ótetin kópir qurylysyna taǵy 15 mlrd teńge qajet
Prezıdent Qasym-Jomart Toqaevtyń tapsyrmasymen Shyǵys Qazaqstandaǵy Kúrshim men Samar aýdandaryn jalǵaıtyn «Qyzyl tý» ótkeline kópir salynyp jatqany belgili. Kópir qurylysy 2024 jylǵa deıin aıaqtalady dep josparlanǵan.
ShQO Jolaýshylar kóligi jáne avtomobıl joldary basqarmasynyń habarlaýynsha, qazirgi ýaqytta Kúrshim men Samar jaqtaǵy eki jaǵalaýda da tireýishter salynýda. Ýaqytsha kópir salynyp bitti, onda qurylys-montajdaý jumystary júrgizilýde.
«Bıyl kópir qurylysyna 5 mlrd teńge bólingen. Alaıda bul soma jetkiliksiz. Taǵy da 15 mlrd teńge qajet. Bul elimizdegi eń uzyn kópir bolmaq. Onyń uzyndyǵy 1316 shaqyrymdy quraıdy. Kópir salynǵan soń oblystyń kólik logıstıkasy túbegeıli ózgerip, birden úsh aýdan – Kúrshim, Tarbaǵataı jáne Zaısan turǵyndarynyń Óskemenge qatynaýy jeńildeıdi. Kópir táýligine 20 myńnan astam kólikti ótkizedi dep boljanýda», - deıdi basqarma basshysy Nurjan Jumadilov.