Buqtyrmadaǵy kópir qurylysyna sheteldik jumys kúshi tartylmaǵan

ÓSKEMEN. KAZINFORM – Shyǵys Qazaqstan oblysyndaǵy Buqtyrma sý qoımasyna Prezıdent tapsyrmasymen salynyp jatqan kópir qurylysyna sheteldik jumys kúshi tartylmaǵan. Bul týraly óńir ákimdiginde ótken jınalys barysynda málim boldy.

Qazir Buqtyrma sý qoımasyndaǵy kópir qurylysy aıaqtalýǵa shaq qaldy. Jospar boıynsha Qazaqstandaǵy eń uzyn kópir (1316 metr) Respýblıka kúninde ashylýy tıis. 

«Kópirdiń ashylýy oblys turǵyndary úshin tarıhı oqıǵa bolaıyn dep tur. Qurylys jumystaryna sheteldik jumys kúni múlde tartylmaǵan. Bizdiń ınjenerlerimiz, sáýletshilerimiz ben jumysshylarymyz kópirdi bastan-aıaq salyp shyqty. Sondyqtan bul tolyqqandy otandyq joba deýimizge ábden bolady», - dedi oblys ákimi Ermek Kósherbaev.

Eske salsaq, osyǵan deıin Buqtyrmada salynyp jatqan kópirdiń eki jaǵyna beket qoıylýy múmkin ekendigi habarlanǵan.