Buqtyrmada salynyp jatqan kópirdiń eki jaǵyna beket qoıylýy múmkin

ÓSKEMEN. KAZINFORM — Shyǵys Qazaqstan oblysy Buqtyrma sý qoımasyna salynyp jatqan eldegi eń uzyn kópirdiń eki jaǵyna beket qoıylýy múmkin.

Búgin oblys ákimdiginde ótken jınalys barysynda ShQO ákimi Ermek Kósherbaev Buqtyrma sý qoımasyna salynyp jatqan kópirde qaýipsizdikke basa mán berilýi qajettigin aıtty. 

«Buqtyrma arqyly ótetin kópirden kólikterdiń qalaı júretindigine qatysty erejelerdi bekitý qajet. ıAǵnı, kópirde uzyn-sonar keptelistiń bolýyna jol bermeýimiz kerek. Sebebi kópirge kireberiste nemese shyǵar jolda jol apaty bolsa kópir jabylyp qalýy múmkin. Bul kópirden júretin kólik óte kóp bolatynyn da eskerýge tıispiz», — dedi oblys ákimi.

Óz sózinde ol ásirese kólikter arasyndaǵy qashyqtyqty saqtaǵan jón ekendigin jetkizdi. 

«Kópir mańyna kólikterdiń araqashyqtyǵy 20-30 metr ekenin kórsetetin tıisti belgiler ornatylýy qajet. Odan keıin qaýipsizdikti saqtaý maqsatynda kópirdiń eki jaǵyna beketter qoıǵan jón», — dedi Ermek Kósherbaev. 

Eske salsaq, 5 jyl buryn Prezıdent Qasym-Jomart Toqaev Úkimet pen Shyǵys Qazaqstan oblysy ákimdigine Buqtyrma sý qoımasyna kópir salý úshin qarjy bólýdi tapsyrǵan bolatyn.

Taıaýda QR Prezıdentiniń keńesshisi — Baspasóz hatshysy Berik Ýálı Qazaqstan boıynsha eń úlken kópirdiń jyl sońyna deıin ashylatynyn aıtqan edi.  

Sondaı-aq kópirdiń aqyly bolýy múmkin ekeni aıtylǵan.