Buqtyrmada kólik muz astyna túsip ketti

SEMEI. KAZINFORM – Abaı oblysy Kókpekti aýdanyndaǵy Buqtyrma sý qoımasynda muz astyna túsip ketken kólik shyǵaryldy.

Oblystyq Polıtsııa departamentiniń málimetine súıensek, Kókpekti aýdanynyń tártip saqshylary Buqtyrma sý qoımasyndaǵy «Tabandy qara» ýchaskesinde muz astyna jartylaı túsip ketken kólikti kórgen. Olar dereý júrgizýshige kómekke umtyldy. 

- Júrgizýshi óz kúshimen muzdan shyǵa almaǵan. Polıtseıler jaǵdaıdy jyldam baǵalap, trostyń kómegimen kólikti bekitip, ony qaýipsiz jerge alyp shyqty. Qutqarylǵan júrgizýshi polıtsııa qyzmetkerlerine óz alǵysyn bildirdi, - delingen aqparatta.

Osy rette, departament qyzmetkerleri azamattardy muz ústimen, onyń ishinde «Tabandy qara» ýchaskesinde júrgende barynsha saq bolýǵa shaqyrdy. Muzdyń beriktigi týraly naqty aqparat bolmasa, qaýipsizdik maqsatynda avtokólikpen muz ústine múlde shyqpaǵan jón. 

Eske salsaq, buǵan deıin ShQO ózenderinde muz jarý jumystary bastalǵany habarlanǵan.