Buqtyrma jaǵalaýynda zańsyz jumys istep júrgen 13 sheteldik anyqtaldy
ÓSKEMEN. KAZINFORM – Shyǵys Qazaqstan oblysyndaǵy Buqtyrma sý qoımasynyń jaǵalaýynda zańsyz jumys istep júrgen 13 sheteldik jaýapqa tartyldy.
ShQO Polıtsııa departamenti baspasóz qyzmetiniń málimetine súıensek, kóshi-qon qyzmetiniń mamandary qurylys nysandaryn, bazarlardy jáne sheteldik azamattar zańsyz jumysqa tartylýy múmkin ózge de oryndardy tekserip jatyr.
- Sonyń nátıjesinde Buqtyrma sý qoımasynyń jaǵalaýynda tıisti ruqsatsyz eńbek etip júrgen kórshiles memlekettiń 13 azamaty anyqtaldy. Sheteldikter demalýshylarǵa arnalǵan jazǵy úılerdi salýǵa tartylǵan. Kóshi-qon zańnamasyn buzǵany úshin olar ákimshilik jaýapkershilikke tartylyp, árqaısysyna 25 AEK (108 125 teńge) aıyppul salyndy, - delingen aqparatta.
Sonymen qatar sheteldikterdi jumysqa zańsyz tartqan jumys berýshi de jaýapqa tartyldy. Ol 100 AEK (432 500 teńge) mólsherinde aıyppul tóleýge mindetteldi.
Eske salsaq, osyǵan deıin Astanada sheteldikterge zańsyz JSN berý shemasy anyqtalǵany habarlanǵan.
