Buqtyrmadaǵy jańa kópir arqyly bir táýlikte 80 myń kólik qatynaıdy
ASTANA. KAZINFORM — Jýyrda ǵana ashylǵan Buqtyrma sý qoımasyndaǵy jańa kópir arqyly bir táýlikte 80 myń kólik qatynaıdy. Sebebi nysan alty aýdannyń arasyn jalǵap tur. Osylaısha bir ǵana kópir tutas óńirdiń áleýmettik-ekonomıkalyq ilgerleýine áser etedi. Al 60 jyl boıy parommen qatynaǵan shyǵystaǵy aǵaıyn bul oqıǵany tarıhı dep sıpattap otyr. Bul týraly Jibek Joly arnasynyń jańalyqtarynda aıtyldy.
4 jyl buryn qurylysy bastalǵan bul nysandy aımaq jurty asyǵa kútti. Qazir qýanyshtarynda shek joq.
— Endi myna ásirese shekaralyq aýdandardyń, oblys ortalyǵy men Semeı qalasymen arasyndaǵy qarym-qatynasy dúzeledi dep oılaımyn, — deıdi Óskemen qalasynyń turǵyny Káribek Shopatov.
Uzyndyǵy 1 shaqyrymnan asatyn kópir 6 aýdan arasyndaǵy alys beristiń kólemin arttyrady. Atap aıtsaq Samar, Kúrshim, Úlken Naryn, Marqakól, Qaton Qaraǵaı, Tarbaǵataı jáne Zaısan aýdandaryn baılanystyrdy. Mamandar ásirese kásipkerlik pen týrızmniń damýyna septigin tıgizedi dep otyr.
«Qanshama taýarymyzdy parommen ótkizip, baǵasy qymbat bolyp, jolymyz da qymbat, paromnyn ar jaǵynda eki úsh saǵattan qalyp qalatyn kezder bolatyn. Odan qalsa paromǵa sımaı keshigip qalyp, parom júrmeı qalǵan kezde Ertistin ary jaq jaǵasynda qalyp qalatyn edik. Endi mine Qudaıǵa shúkir jolymyz ashyq», - dedi Kúrshim aýdanynyń turǵyny Lıazzat Qumarqyzy.
Ótkelge deıin 18 shaqyrym jańa jol da salyndy. Al, kópir qurylysy kezinde ozyq ınjenerlik tehnologııalar qoldanylǵan. Sondaı-aq barlyq sapa standartyn saqtaldy.
«Negizi osy kópirge elý jyl garantııa beriledi . Elý jyldan keın kópirdin sapasy tekseriledi. Eger sapasy tómendegen jaǵdaıda qaıtadan óziniń arnaıy jumystary júrgiziledi. Joldyn sapasy óte joǵargy deńgeıde», - dedi ınjener Kenjebek Januzaqov.
Kúrshim aýdanynyń ákimi kópirdiń ashylýy tarıhı oqıǵa ekenin aıtady.
«Bul is-shara halyqtyń jalpy nıetimen iske asyp otyr, búkil qarajat halyqtyń ózi jınap, ózderiniz kórdinizder aq túıeniń qarny jaryldy, búgin túıe shalyndy. Qazirgi kezde kópir salynǵanga deıin jáne kópir salynǵannan keıin dep bólinetin bolady myna Ertistin ary jaǵynda jatqan eldi mekenderge», - dedi aýdan ákimi Almat Akyshov.
Kópridiń ashylýyn aımaq jurty erekshe atap ótti. Aqshańqan kıiz úıler tigilip, as berildi. Túrli ulttyq sport saıystary ótip, kontsert uıymdastyryldy.
