Buqtyrma sý qoımasyndaǵy kópir tegin bolady

ÓSKEMEN. KAZINFORM – Shyǵys Qazaqstan oblysynda Prezıdent tapsyrmasymen Buqtyrma sý qoımasyna salynǵan kópir tegin bolady.

Kúni keshe ǵana Shyǵys Qazaqstan oblysyndaǵy Buqtyrma sý qoımasy arqyly ótetin elimizdegi eń uzyn kópir ashylǵan bolatyn. Uzyndyǵy 1316 metr eki jolaqty avtomobıl kópiri táýligine 80 myńǵa deıin kólik ótkize alady.

Biraq osyǵan deıin kópir aqyly bolýy múmkin ekendigi aıtylǵan. ShQO Jolaýshylar kóligi jáne avtomobıl joldary basqarmasy túpkilikti sheshim tapsyrys berýshi - Avtomobıl joldary komıteti kópirdi jergilikti atqarýshy organǵa bergennen keıin qabyldanatynyn habarlaǵan. 

21 qazan kúni kópir resmı túrde ashylǵan soń bul suraqqa jaýap berildi.

«Kópirge jol aqysyn engizý máselesi búgingi kún tártibinde joq. Kópir tegin bolady», - dep habarlady Kólik mınıstrliginen.

Eske salsaq, osyǵan deıin Buqtyrma sý qoımasy arqyly ótetin elimizdegi eń uzyn kópir ashylǵany habarlanǵan.