Buqtyrma sý qoımasynda tórt balyqshy qamys arasynda adasyp ketken
ASTANA. KAZINFORM — Shyǵys Qazaqstan oblysy Samar aýdanynda balyq aýlaýǵa shyqqan tórt er adam qutqarýshylardyń kómegine júginýge májbúr boldy.
Oblystyq TJD baspasóz qyzmetiniń málimetinshe, qarańǵy túsken kezde balyqshylar baǵyt-baǵdarynan jańylyp, qalyń qamystyń arasynan óz betterinshe shyǵa almaǵan.
Oqıǵa ornyna TJM qyzmetkerleri jedel jetti. Er adamdardy tapqan qutqarýshylar olardy kólikterine deıin ertip apardy. Balyqshylarǵa medıtsınalyq kómek qajet bolǵan joq.
—Balyq aýlaýǵa shyqqanda qarańǵy túsý ýaqytyn eskerip, jergilikti jerdiń erekshelikterin nazarǵa alyńyz jáne qaıtý baǵytyn aldyn ala josparlańyz. Úıge qaıtýdy keshki ýaqytqa qaldyrmańyz, — dep eskertti vedomstvo.
Budan buryn qutqarýshylar Balqash kólinen eki balyqshyny evakýatsııalaǵanyn jazǵanbyz.
