Buqtyrma sý qoımasy arqyly ótetin elimizdegi eń úlken kópir salynyp jatyr
ÓSKEMEN. KAZINFORM – Shyǵys Qazaqstan oblysy Quıǵan aýylynyń mańyndaǵy Buqtyrma sý qoımasy arqyly ótetin eki jolaqty avtomobıl kópiriniń qurylysy jalǵasyp jatyr. Kópirdiń jalpy uzyndyǵy – 1316 metr. Bul týraly Kólik mınıstrliginiń baspasóz qyzmeti jazdy.
«Búgingi kúni kópir tirekterin salý boıynsha jumystardyń 81 %-y oryndaldy: 21 tirektiń 17-si ornatyldy, qalǵan 4 tirekti ornatý boıynsha jumystar jalǵasyp jatyr. Sondaı-aq 20 aralyq qurylymnyń 10-y salyndy. Jumystardy oryndaý úshin qajetti alańdardy qamtamasyz etetin ýaqytsha tehnologııalyq kópirdiń qurylysy tolyǵymen aıaqtaldy. Kirme jolda jer tósemin ornatý jáne qum-qıyrshyq tas qospasynan jol jabynyn tóseý boıynsha jumystar oryndaldy. Budan ári qurylys-montajdaý jumystaryn iske asyrý úshin barlyq qajetti materıaldar daıyndaldy», - dep atap ótti QR Kólik mınıstrligi Avtomobıl joldary komıtetiniń tóraǵasy Tólegen Abdýllın.
Jasalyp jatqan joba óńir úshin strategııalyq mańyzǵa ıe. Jobanyń sátti aıaqtalýy Abaı jáne Shyǵys Qazaqstan oblysynyń kólik ınfraqurylymyn jaqsarta túspek.
