Buqpa taýy baýraıynda 7-Qysqy Azııa oıyndaryna arnalyp «Azıada qarsańynda» is-sharasy ótkizildi - Aqmola oblysy
KÓKShETAÝ. 10 qańtar. QazAqparat /Janmurat Janaıdarov/-Búgin Kókshetaýdyń irgesindegi Buqpa taýy baýraıynda 7-Qysqy Azııa oıyndaryna arnalyp shańǵydan «Azıada qarsańynda» festıvali uıymdastyryldy.
«Meniń jeńisim-elimniń jeńisi!» baǵdarlamasy aıasynda júzege asyrylǵan festıvalge oblys ortalyǵyndaǵy joǵary jáne arnaýly oqý oryndary, joǵary synyp oqýshylary, kolledjder men lıtseıler jetkinshekteri qatysyp, baqtaryn synady. «Nur Otan» halyqtyq-demokratııalyq partııasy «Jas Otan» jastar qanatynyń uıytqy bolýymen ótken shańǵy saıysyna eki júzge tarta úmitker qatysty. Olardyń bul joly myń metrlik qashyqtyqty eńserýleri qajet edi. Salýatty ómir saltyn qalyptastyrýdy maqsat tutqan jas býyn ókilderi aýa raıynyń sýyqtyǵyna qaramastan maqsat bıiginen kórindi.
Júzden júırik shyǵyp, máre syzyǵynan birinshi ótkender, jalpy shańǵy festıvaline qatysqandardyń barlyǵy da arnaıy syı-sııapatqa ıelik etti.
