Býkmekerlik qarajatty bólý tártibi ózgeredi
ASTANA. KAZINFORM — El Úkimeti býkmekerlik keńseler men totalızatorlardyń utys tigýden túsetin aýdarymdardy bólý normatıvterin bekitti. Qaýlyǵa Premer-mınıstr Oljas Bektenov qol qoıdy.
Engizilgen ózgeristerge sáıkes, biryńǵaı esepke alý júıesiniń jumys isteýin qamtamasyz etetin zańdy tulǵalar úshin aýdarymdardy jiberýdiń mynadaı proportsııalary aıqyndalǵan:
— dene shynyqtyrý men sportty damytýǵa baǵyttalǵan bıýdjetten tys aqsha qarajatyn bólý jónindegi qyzmetti júzege asyratyn biryńǵaı operatorǵa 75 paıyz;
— olımpıadalyq sport túrlerin damytýǵa Qazaqstan Respýblıkasy Ulttyq olımpıada komıtetiniń qoryna 7 paıyz;
— «Qazaqstan halqyna» qoǵamdyq qoryna 5 paıyz;
— biryńǵaı esepke alý júıesiniń jumys isteýin qamtamasyz etetin zańdy tulǵaǵa biryńǵaı esepke alý júıesiniń jumys isteýine jáne biryńǵaı esepke alý júıesiniń jumys isteýin qamtamasyz etetin zańdy tulǵanyń qyzmetin qamtamasyz etýge 13 paıyz.
Qaýly 24 qazanda kúshine enedi.
