Býkmekerler salyq organdaryna bás tigý málimetterin usynatyn bolady
ASTANA. KAZINFORM – Býkmekerler men totalızatorlar salyq organdaryna bás tigý málimetterin usynatyn bolady. Osy jyldyń 12 aqpanynan bastap býkmekerler men totalızatorlar salyq organdaryna bás tigý málimetterin usyna bastaıdy. Bul týraly Memlekettik kirister komıteti Arnaýly salyq rejımderi basqarmasynyń basshysy Erqanat Shymbergen aıtty.
«Ótken jyldyń 12 jeltoqsanynda Salyq kodeksine tıisti ózgertýler engizildi. Ózgeristerdiń biri – býkmekerlik keńseler men totalızatorlardyń memlekettik kirister organdaryna bás tigý týraly málimetterdi usyný mindettemesi. Bul málimetter yqpaldastyrylǵan rejımde beriledi. ıAǵnı, salyq organdary men býkmekerlik keńseler arasynda yqpaldastyrylǵan ózara is-qımyl bolady. Býkmekerlik keńselerde apparatyq-baǵdarlamalyq keshen bar. Onda bás tigý, utysqa qatysýshylar týraly barlyq derek tirkeledi. Osy derekterdiń bári salyqtyq ákimshileý maqsatynda memlekettik organdarǵa beriledi. Bul túzetý osy jyldyń 12 aqpanynan bastap kúshine enedi. Sodan keıin yqpaldastyqtyń tıisti erejesi, sonymen qatar memlekettik kirister organdaryna beriletin málimetter quramy bekitiledi. Jalpy, bul ereje yqpaldastyq tártibin, sondaı-aq berilýi tıis málimetter quramy qarastyrylady», - dedi ol komıtette ótken brıfıngte.
Osy oraıda ol el turǵyndarynyń jeke derekterin memlekettik kirister organdaryna berý qanshalyqty zańdy ekendigin aıtty.
«Bul derekter salyqtyq ákimshileý maqsatynda ǵana paıdalanylady. ıAǵnı, bul JSN týraly bul málimetter salyqtyq qupııa sanalmaıdy. Olardyń qupııalylyǵy tıisinshe zańnamalyq aktilermen qamtamasyz etiledi. Bul málimetterdi salyq organdary ǵana qoldanady. Ony jarııa etkeni úshin jaýapkershilik bar», - dedi Erqanat Shymbergen.
