Býkmekerler: «Barys» pen «Traktordyń» altynshy matchta múmkindikteri teń
ASTANA. 3 naýryz. QazAqparat - Búgin Astanada qazaqstandyq «Barys» pen chelıabilik «Traktor» arasynda Gagarın Kýbogynyń birinshi raýnd serııasynyń altynshy matchy ótedi.
Vesti.kz habarlaǵandaı, býkmekerlik kontoralardyń paıymynsha, bul matchta «Barys» pen «Traktordyń» jeńiske degen múmkindigin teń dep baǵalaýǵa bolady. «Barystyń» jeńiske jetý koeffıtsıenti - 2.86, «Traktorda» - 2.35.
Bes matchtan keıin chelıabilik komanda alda keledi, esep - 3:2. Chelıabide ótken eki matchta «Barys» 4:3 jáne 5:3 bolyp eki ret jeńiske jetti, al keıin Astanada 1:3 jáne 2:3 bolyp utyldy. Besinshi matchta qarsylastar qazaqstandyq komandadan 6:3 esebimen basym tústi.
Eske salaıyq, serııanyń altynshy matchy Astana ýaqyty boıynsha 17:00-de bastalady. Tikeleı kórsetilimdi «Astana» telearnasy júrgizedi.
