Búkil álem boıynsha Starlink baılanys júıesinde aqaýlar tirkeldi

ASTANA. KAZINFORM — Downdetector qyzmetiniń esebine sáıkes, birneshe eldiń paıdalanýshylary Starlink spýtnıktik baılanys júıesiniń jumysyna qatysty aqaýlar týraly shaǵymdanyp jatyr, dep habarlaıdy TASS.

Esepte kórsetilgendeı, aqaýlar týraly habarlaǵan paıdalanýshylardyń 60%-y ınternettiń isten shyǵýyna shaǵymdanyp otyrsa, 40%-y baılanystyń tolyq úzilgenin habarlaǵan.

AQSh-ta Starlink júıesiniń jumysyna qatysty shamamen 63 myńdaı paıdalanýshydan aqaý týraly habar túsken. Úlken aqaýlar Ulybrıtanııa, Aýstralııa, Meksıka, Argentına, Chılı jáne Brazılııa elderinde de baıqalǵan.

Kanadada shaǵymdar sany 13 myńnan, Germanııada 11 myńnan asty.

Aıta keteıik, maýsymnyń basynda Qazaqstan Tsıfrlyq damý, ınnovatsııalar jáne aeroǵarysh ónerkásibi mınıstrligi men Starlink kompanııasy (SpaceX-tiń enshiles qurylymy) spýtnıktik ınternet qyzmetin Qazaqstan aýmaǵynda resmı iske qosý týraly kelisimge qol qoıdy.

Starlink ınternetiniń aı saıynǵy tólemi 20-25 myń teńge bolýy múmkin ekeni habarlandy.

Buǵan deıin túrmede Starlink ınternetin ornatýǵa jol bergen basshylar jumystan qýylǵany belgili boldy.