Býkıngem saraıy 2027 jylǵa deıin memlekettik saparlar úshin jabyq bolady

ASTANA. KAZINFORM – Aldaǵy úsh jylda Býkıngem saraıyna memlekettik saparlar ótkizilmeıdi, óıtkeni ǵımarattyń tarıhyndaǵy eń iri jóndeý jumystary júrgizilip jatyr, dep habarlaıdy The Times. 

– Qatar ámiriniń jeltoqsandaǵy saparynan keıin barlyq memlekettik sapar 2027 jylǵa deıin Vındzor saraıynda ótedi. Bul Býkıngem saraıynyń 369 mln fýnt sterlıng jumsalatyn on jylǵa sozylatyn jóndeý jumystaryna baılanysty, - dep jazdy basylym.

Buǵan deıin korol Charlz ben patshaıym Klarens-haýstyń Býkıngem saraıyna jóndeý jumystary aıaqtalǵan soń kóshetini habarlanǵan bolatyn. 

– 2017 jyly Charlz patsha bolǵan kezde Býkıngem saraıynan koroldik rezıdentsııa retinde bas tartýdy josparlap otyrǵanyn málimdegen edi. Biraq sol kezde Klarens-haýs bul jospardy joqqa shyǵardy, - dep eske alady The Times.

Qatar ámiriniń saparynan keıin barlyq memlekettik sapar Býkıngem saraıyndaǵy jóndeý jumystary aıaqtalǵansha, 2027 jyldyń ortasyna deıin Vındzor saraıynda ótedi. Charlz ben Kamılla kelesi jyldyń bir bóliginde shaǵyn qabyldaýlardy tańdaýly oryndarda ótkizedi. Alaıda bul zaldar da 2025 jyly jabylady. Osydan keıin barlyq koroldik qabyldaý 2027 jyly Býkıngem saraıy tolyǵymen qaıta ashylǵanǵa deıin Sent-Djeıms saraıyna nemese Vındzor saraıyna aýystyrylady.

Býkıngem saraıy – 1837 jyldan beri brıtandyq monarhtardyń Londondaǵy resmı rezıdentsııasy.

Eske salsaq, hımıoterapııasy aıaqtalǵan Ýels hanshaıymy alǵash ret kópshilik aldyna shyqty.